中港女細味泰途: 1月 2014

2014年1月24日星期五

一應俱全 - 柯多哥Market

好多香港人(包括中港女)去到泰國都好鍾意去喪掃超市，薯片、百力滋、生果、杯麵、豬肉乾，甚至乎柔順濟、米……總之務求搬晒成個超市返香港咁。如果大家會去JJ MARKET的話，其實不妨去下Or Tor Gor Market，其實大家無論去JJ定柯多哥，坐BTS去Kamphaeng Phet站，2號同3號出口就係呢兩個地方。相比BTS Mo Chit或者MRT JJ站近好多。

街市就係正Kamphaeng Phet 出口隔離

講返柯多哥，雖然佢係一個街市，但地方非常闊落企理架，入面有海鮮檔、菜檔、生果檔、乾果零食檔、手信食品檔，仲有熟食檔。如果大家O係呢度嘅熟食檔睇o岩野食，可以即買即過去街市附設枱櫈坐低慢慢嘆。

街市附設枱櫈俾人坐低食野，圍住O既就係熟食檔，粉麵飯樣樣齊

仲有甜品

其他好多LOCAL人都會黎買野

地方非常企理

仲有，中港女一條友見到一兜兜大蟹鉗，由於太大兜，面懞懞走去問人可唔可以買半兜，友善o既泰國人一句無問題，問埋幾多錢，半兜600銖，咁一兜呢?哈哈~~係千二銖，即刻覺得自己好抵，買返酒店慢慢嘆都咪話唔爽。另外，中港女o係度買左樽蝦醬返屋企孝敬老媽子，老媽子都話正呀!

買返酒店叮返熱做宵夜，正!

呢個係半kg裝，已經係全場至貴o個隻，只係承為130銖

2014年1月19日星期日

房大抵住 - Somerset Park Suan Plu

http://www.somerset.com/en/thailand/bangkok/somerset_park_suanplu.html

http://www.agoda.com/zh-hk/somerset-park-suanplu-bangkok/hotel/bangkok-th.html

入住時間：2007年5月及2014年1月

入住日數：4日(兩次都係)

每晚房價：約HK$584 (2014年價)

賣點：

平靚正！由於2007年年代太久遠，真係搵唔返紀錄幾多錢。中港女agoda睇時呢間酒店係$49x晚，俾錢時例牌要加17%稅同Service charge就HK$584 ，點知......原本已經覺得以五佰幾可以有差唔多成千呎o既apartment真係無得頂，後黎上offical site見到有best price guarantee就八卦望望啦，唔望還好，一望個價錢直頭即場想噴血，因此酒店裝度book原來HK$51x之餘仲有high speed wifi呀!!!!!

周邊配套：

仍然係中港女至愛o既silom區(詳見http://petathai.blogspot.hk/2014/01/osilom-sathorn.html)，不過比起banyan tree同urbana仲要行入多少少，酒店有free shuttle服務接大家出Sala Daeng o既Silom Complex，每半小時一班，車程5分鐘。日頭酒店行出去，轉左會係local 住戶區，有各款街邊檔同街市，轉右就可以行出去Sala Daeng或Chong Nonsi，行出South Sathon大街途中有雞絲麵檔。

有待改善：

呢間酒店住過兩次，不過相隔好耐，第一次住o既時候感覺非常良好，但因為自己某d原因一路都無再住，2014年回鄉，原本都想book返urbana，只不過唔知咩事變左過千蚊晚實在接受唔到，睇到呢間價錢都ok所以再book，舒服感大致不減，之不過可以真係舊，房間設施真係無得呃，尤其係洗手間，唔知咩事廚房同洗手間水龍頭水壓無問題，偏偏花灑個水壓真係弱雞到爆，仲要熱水水溫爭少少，不過都係o個句，一分錢一分貨呀!

2014年1月18日星期六

愛貓之選- Purr Cat Club

根據Roger介紹專程去呢間貓貓cafe，比預期易搵，坐bts去Thonglor站1號出口，落到地面會見到Soi 53路牌，沿大直路一路行700米左右，cafe就係馬路左邊。

入cafe前第一樣要做就係除鞋，入到去就會有拖鞋俾你換，之後就要洗手，洗完手再用消毒啫喱洗多次先可以入去。cafe係玻璃頂設計，不過加左布簾，所以感覺開揚唔好熱，再望下周圍，以港女性格第一個感覺就係.....隻隻貓都係貴貓，哈哈哈~~~

Cafe有幾條rule，不過港女淨係記得其中少少：
1. 唔可以抱貓貓；
2. 唔可以餵食；(其實餐廳周圍有晒糧兜，貓貓只係為食而唔會餓親架)
3. 唔可以用閃光燈影相；

簡單d講，入到呢個貓世界，各位請以不disturb貓貓日常生活為上。亦都係因為咁，呢度d貓貓都唔怕人，大家簡直就係"我有我生活，你有你忙碌" (忙住影相)，而cafe亦備有小量貓玩具，你可以自己拎黎引下貓貓留意。

消費方面，呢度係香港starbucks價錢，飲品、蛋糕每樣都係二佰銖內有交易。但值得一提就係呢度食物質數出奇地好呀，好似中港女叫個scone咁，有幾款果jam俾你揀，我就揀左士多啤梨味，一d都唔係藥水味，仲要即叫即焗，除左賣相吸引，而且仲好好味。我見其他枱local人都叫好多野食，仲食到唔停咀。

叫左greentea latte同scone, 真係估佢唔到幾好味呀~~絕對唔係得個樣

仲有個蛋糕櫃任君選擇

今次識到o既新朋友，熟左之後全程陪伴在側，任玩無咋型

呢隻由一去到到走都係keep住同一個post

cafe一邊做左個櫃，入面無咩放野，但貓貓可以o係入面行黎行去同訓覺

隻隻貓都好悠然自得

連scone都係貓樣

其實成間餐廳都係設計俾貓貓多過人

隻隻貓貓係非常寫意，鍾意訓邊就訓邊，大家行出行入記得睇路呀

呢隻好似白老虎

如果入面滿座，大家可以坐o係呢樹先，等有人走再轉位入去

高人一等的貓

2014年1月9日星期四

靚景服務一流 – Banyan Tree

http://www.banyantree.com/en/bangkok/

http://www.agoda.com/zh-hk/banyan-tree-bangkok/hotel/bangkok-th.html

入住年份：2011年7月 & 2012年1月

入住日數：6日 & 5日

每晚房價：兩次都係經swire買package

賣點：

房大景正，服務一流，價錢合理。老牌5星始終係唔同d架，雖然酒店唔新，但保養不錯，唔會有好舊o既感覺，而家軟件更是一等一，暫時黎講係中港女住過認為最好o既酒店。首先講下浴室，以spa最出名 o既Banyan tree, 酒店浴室簡直同spa room係無分別架，洗頭水、護髮素、梘液、浴盬、浴油、泡泡浴…..仲有全部係同一條line同一隻味，而且無張量添加，而且房內備有香薰油同香薰香任君選擇，每日有兩次執房，兩次都會refill。講開有兩次執房真係不得不提，酒店會中午左右進行第一次執房，同普通酒店一樣，當然housekeeping非常細心同乾淨企理，到黃昏時就會進行第二次執房，housekeeping就會睇下有無野整亂返或者用左同你refill返，同埋最重要o既就係同你開床，所謂開床就係將原本”攝”好晒o既被鋪揭出黎，等你唔駛自己臨訓時扯出黎，其實呢一下真係好鬼窩心同體貼架。

周邊配套：

酒店位於silom sathorn區入面suanplu附近，好多香港人都覺得呢區麻麻地，因為行出bts/ mtr較遠，但中港女就呢區有偏愛（詳見….），

有待改善：

老老實實真係無咩唔滿意，不過鍾意住旺區/ 三分鐘到BTS站就唔好揀佢喇。

大堂CHECK IN時的果汁WELCOME DRINK

BANYAN TREE都係套房形式，分開客廳同睡房

舒適大床

客廳樣

客廳另一邊近門口係書枱

無錯，客廳個電視機係舊款大牛龜仲要得15"

Budget方便之選 – 41 Suite Bangkok Hotel

http://41suitebangkok.com/

http://www.agoda.com/zh-hk/41-suite-bangkok-hotel/hotel/bangkok-th.html

入住時間：2013年11月

入住日數：4日

每晚房價：約HK$352

賣點：

平靚正！以呢個價錢BTS附近精品酒店，其實真係無話可說。房間雖小但一般野有齊晒，仲要有FREE WIFI，全間酒店都係禁煙，吸煙人仕需要到地下大堂外解決需要。而且酒店附近應該有齊一般人所需，4日3夜怒食 shop行程非常理想住宿。

周邊配套：

酒店位於巷仔入面，成條街大部份都係食肆，不過較早收舖，不過如果夜晚肚餓都唔駛驚，因為行出大街(3分鐘唔駛)就已經有街邊檔，雖然街邊檔唔係好密集式，不過小炒粉麵沙律魚蛋粉都有齊晒。街口有間普通size Big C, 如果好似中港女咁鍾意搬晒成個supermarket返香港就very good啦。行出BTS站附近仲有港人至愛NARAYA，行多兩步又有Emporium百貨公司。行過大馬路對面就有巧出名o既”榮泰”魚蛋粉，唔係講笑，真係幾得架！

有待改善：

中港女上次兩條港女夜機去早機返，純粹飛轉飲飲食食濕下平，朝10晚12早出夜歸勤力過返工咁o既行程，以咁o既價錢咁o既地點就真係無野再需要挑剔。但中港女係經AGODA book房，以budget行程就當值book至平o既superior，明明book時睇左話有double bed/ twin bed揀，點知到酒店時話所有superior只有double bed，好在係兩條女無咩所謂，如果唔係就要俾錢upgrade。

由於酒店無咩的士司機識，每次的士直接同司機講Thonglor Big C就最方便。

仲有，浴袍、梘液、厠紙都齊，淨係需要自備牙膏牙刷，或者過兩步話隔離士多仔買都得。

由於成程都太趕，真係一張房間相都無影過，之但係官網入面D相都好真實呀

2014年1月6日星期一

大愛o既silom, sathorn區

大部香港人都鍾意Siam, Chit Lom, Sukhumvit, Saphan Takin等等區，因為近shopping mall、夜市咁，但係中港女對Sala Daeng, Silom呢區簡直係有偏愛。

首先講下BTS/ MRT附近先，首先有Silom Complex，商場入面除左Naraya之外應該有齊各位香港人要行要買o既野，香港排到死o既韓國牌子The Saem，另外Boots、Jaspal、Central百貨公司都盡在其中，basement就有各款F&B舖頭同Tops Supermarket。除左basement有食肆之外，商場其他樓層仲有好多唔同食肆架，好似有成行成市o既MK邊爐舖，FUJI日本茶.....仲有位於4樓好好味o既banana leaf泰國菜。商場offical site: http://silomcomplex.net/

講完商場，又講返出面街喇，沿BTS天橋兩邊都係街邊檔，或者食野o既舖頭仔，日頭時間以食野醫肚為主，但每日一到黃昏時間就開始變天，因為呢度夜晚就係Patpong夜市，街兩邊都係好似香港女人街o既街檔，各式各樣泰國特產：香薰、番梘、手工藝品、老翻應有盡有，除此之前，呢度更加係酒吧林立，而且更有sexy show、pub、紅燈區、同志等集中地，沿途會不停有人拎住紙仔撩你睇sexy show，即係睇男人打鼓、女人開汽水樽，路邊有d pub就係有火辣辣dancer跳鋼管舞，仲有好多男男女女坐晒o係度叫你message o既按摩舖，如果低胸按摩女郎唔係你杯茶?唔緊要，大馬路Oriental Princess樓上仲有間Body Tune，簡單黎講，呢區正正邪邪任君選擇。可能香港人會覺得呢度比較雜，但坦白講，就算成街都有人sell各式各樣服務，但從來都唔會拉手拉腳，但必須一提就係人多始終要小心自己財物啦。

雖然呢區係中港女大愛，但係呢頭d酒店部份係時鐘酒店，一係就細到入房要上床，最正o既Dusit Thani就成千蚊晚，所以，中港女揀酒店時往往都會先睇左呢區附近o既 South Sathon有無咩酒店o岩價位，之但係行出去BTS/ MRT就要20分鐘左右，而且South Sathon更係領事館同商業區，周圍會比較靜，但中港女就鍾意夜晚搭BTS/ MRT返酒店時，o係街邊食埋宵夜，再買埋宵宵夜返酒店夜晚慢慢嘆。